26/11 : SA SANDES'O GHORA.H !

" AATATAAYINAM AAYAANTA.M JIGHAASANTA.M JANAAN PURA.H /

PAS'YA.MS TARKAPARO RAAJAA DES'ADROHII NA SA.MS'AYA.H //"

क: शूर्प: कश्च तितउ: ?

" संत: शूर्प इवाभान्ति दुष्टदूरा हि साधव: /
हित्वार्यान्दधतेSनार्यान्राजानस्तितऊपमा : //"

DIIPAAVALII DIIPYATU !

// s'rii.h //

divya.m bhuvy avtaarayanty avanijaa.m santaapanaa-santatim

ucchindanty anu maanavaadi-durita.m kurvaty ajasra.m sukham /

vis've bhaarata-bhaaratiim atitaraa.m sambhaasayanty a~njasaa

taamisra.m tv apavaarayanty api maho diipaavalii diipyatu !! //

vibudha-budha-vidheya.h

shriisurendra.h

kurustha.h

bhaik.sya.m sarvam idam !

" aakaas'o vasatis tvala.m marud api praa.naaya tejas tvi.se ,

vaaras t.r.dviniv.rttaye k.sitir iya.m bhak.syaaya saa dehinaam /

bhaik.sya.m sarvam ida.m vilokya suk.rtii nyagrodhav.rk.saad adho

daataara.m sa vilokayaty ak.rtaka.m k.r.s.na.m samantaat prabhum // "

ki.m m.rta.m sa.msk.rtam !

" sa.msk.rta.m m.rtam ityeva

m.rtaa vadanti naa 'm.rtaa.h /

am.rtaas tv am.rtabhujo

m.rtaas tadbhojina.h kuta.h ? // "

S'RII-BRAHMA-SM.RTI-TARPA.NAM

" Gauriikumaara.h sa diva.m gato no Brahmaa dvitiiyo na caturmukho 'pi /

smaraami tdvaktra-saroja-gandhi-s'abdaartha-kaadamvari-paana-to.sam // 1 //

Ekonatri.ms'attama-taddinaa*nke Saptaambare jiiva-suvaasare hya.h /

gato diva.m tva.m svajanaan vihaaya sva-maa.navaan utkalabhuumi-bhaage // 2 //

saak.sitvam aasaadya bhavatsukiirte.h vaagvaadinii-divya-pavitra-muurte.h /

revensayaa''varjita e.sa puuto brahma.nya-gaurii-suta-d.r.s.ti-diik.sa.h // 3//

daivyaa 'pi vaacaa 'pyatha gaura-vaacaa kaali*nga-vaacaa 'nyataraabhir aaraat /

sa~njaata-romodgama aarya-vaktaa romaa~ncitaa~n cchrot.r-janaan karoti // 4 //

kas tvad.rte Gaurikumaara deva Brahman namaste jayati prakaamam /

tvat-kaavya-piiyuu.sa-caturmukhaasya.m saubhaagyavanto hi bhuvi s'rayanti // 5 //

smaraami saahitya-samaagame te kak.se 'dvitiiye citi sa.mprati.s.the /

sarasvatii vaa svayam aaviraasiin muurtaa maa.navyam aasiit mahasaa mahasvi // 6 //

upendra-bha~nje kaviraajaraaje raajaty apuurve bhavadaasya-ka~nje /

sadya.h paraa nirv.rtir eva saahosvidaaviraaste va sukha.m svagamyam // 7 //

saahitya-sa.mlaapa-janu.h sa divya aananda it parama ity apiiha /

yat tan m.r.saa Brahma-mukhaat k.sarat tad brahmaakhya-saukhya.m vata tadvidaa.m na.h // 8 //

sva-kaarya-jaata.m pravihaaya baalaa vij~naas' ca baalaa va patanti pa*nktau /

s'aalaa-bahi.h-praa*nga.na-ti.s.thamaanaa.h nipaatum aaka.n.tham ataddvitiiyam // 9 //

sudhaarasa.m s'aastra-h.rd vaa samastam vyasta.m cikiir.su pratibhaa-prah.r.s.tam /

brahmaa svaya.m paarthiva-janma-yogaat prasaadayaty aarjava-kar.na-nii.daan // 10 //

Niilaacales'a-jagadiis'a-rahasya-vettaa kaali*nga-vaibhava-dharaadhara-divya-dars'ii /

kas tvad.rte vata vare.nya vada prasaado maadhuryam ojas' ca jagaty abhiik.sa.nam // 11 //

sm.rti-tarpa.nam etat te kaali*ngaa bhaarataa vayam /

kurmahe saa dis'i dis'i prabhaatuutkala-janmabhuu.h // 12 //

dharmak.setre kuruk.setre surendra.h pathiko dvija.h /

s'abdair ebhi.h sumai.h kurve kavi-pa.n.dita-tarpa.nam // 13 //"

---------------------

sadopavaasii kah ?

alpadinebhya.h puurvam aha.m biikaanera.m gata.h / tatra sa.msk.rtamitra.m dr vikramajit praapta.h /sa eka.m shloka.m s'raavitavaan bhojana-vi.sayaka.m tad atra mitraa.naa.m smara.naaya suucanaaya vaa nivedayaami :

antaraa praataraas'a`n ca

saayamaas'a.m tathaiva ca /

sadopavaasii bhavati

yo na bhu*nkte kadaacana //

s'loko 'ya.m pa.n.dita-caarudevas'aastribhi.h kutraapi vyaakara.nagranthe pa.thita.h /